Կփորձենք հաղթանակի հասնել ու չկրկնել սխալները․ Ժիրայր Շաղոյան
Վաղը կայանալիք Կոսովո-Հայաստան հանդիպումից առաջ տեղի է ունեցել հավաքականի ֆուտբոլիստ Ժիրայր Շաղոյանի ու թիմի գլխավոր մարզիչ Ջոն վան՛տ Սխիպի նախաղային մամուլի ասուլիսը։ Ժիրայր Շաղոյանը խոսել է հավաքականի, կատարած աշխատանքի ու Վրաստանի դեմ խաղում թիմի թույլ տված սխալների մասին․
«Միանշանակ հավաքականի հանդիպումներից միշտ պետք է փորձել առավելագույնը քաղել։ Մարզիչի աշխատանքը շատ հետաքրքիր ֆուտբոլ է և բոլորիս դուր է եկել մարզումները, թե ինչպես ենք պատրաստվում խաղին։ Ձեռագիրն էլ շատ հետաքրքիր է՝ բոլոր ֆուտբոլիտսները սիրում են գնդակով խաղալ։ Կփորձենք լավ խաղ ցույց տալ ու որ ամենակարևորն է կփորձենք հաղթանակի հասնել։
Կոսովոն ամեն տարի ավելի լավ թիմ է կառուցում։ Լավ աշխատանք են կատարում։ Անցած անգամվա իրենց տակտիկան չեմ կարող նշել կոնկրետ, բայց հիմա շատ հետաքրքիր ֆուտբոլ են խաղում։ Մանրամասն վերլուծել ենք ու կփորձենք հաջողության հասնել։
Հարկավոր է ուղղել սխալներն ու ցույց տալ, որ մեծ աշխատանք ենք կատարել։ Սա հավաքական է, որտեղ պետք է փորձենք հաղթել և ինչը որ եղել է Վրաստանի հետ հանդիպման ժամանակ չի կարող կրկնվել, քանի որ աշխատել ենք դրա շուրջ։ Մարզիչը նույնպես ցույց է տվել սխալները, որոնք չպետք է կրկնենք», - ասել է Շաղոյանը։
Ասուլիսն ամբողջությամբ՝
Հիշեցնենք, որ հանդիպումը տեղի կունենա հուլիսի 6-ին ու կմեկնարկի 21։00-ին։
Sportmedia.am-ը սպորտային մեդիա հարթակ է, որտեղ ներկայացվում են հայկական և միջազգային սպորտի ամենակարևոր և ամենաքննարկվող իրադարձությունները։ Մենք տրամադրում ենք արագ ու վստահելի լուրեր, վերլուծություններ, հարցազրույցներ և հեղինակային բովանդակություն՝ տարբեր մարզաձևերից։
Բոլոր իրավունքները պաշտպանված են։ Մեջբերումներ կատարելիս Sportmedia.am-ին ակտիվ հղումը պարտադիր է։
Կայքը պատասխանատվություն չի կրում գովազդային նյութերի բովանդակության համար։
