Արարատ-Արմենիայի մրցաշրջանի լավագույն ռմբարկուն ու ևս 2 ֆուտբոլիստ հեռանում են թիմից

Ինչպես տեղեկացնում է «Արարատ-Արմենիայի» մամուլի ծառայությունը, լրացել է Մարիուս Նուբիսիի, Էրիկ Օկանսիի ու Ալեքսանդր Պավլովեցի հետ պայմանագրերն ու փոխադարձ համաձայնությամբ դրանք չեն երկարաձգվելու։

Ֆուտբոլիստներն «Արարատ-Արմենիա» էին տեղափոխվել 2024թ ամռանը։ 

Հարձակվող Մարիուս Նուբիսին այս մրցաշրջանում Երևանը ներկայացնող ակումբի լավագույն ռմբարկուն էր։ Բոլոր մրցաշարերում մասնակցելով 31 հանդիպման՝ կամերունցին դարձել էր 20 գոլի ու 3 գոլային փոխանցման հեղինակ։

Վինգեր Էրիկ Օկանսին 34 խաղում դարձել էր 7 գոլի ու 8 գոլային փոխանցման հեղինակ, իսկ պաշտպանությունում հանդես եկող Պավլովեցն արդյունավետ գործողություններով աչքի չի ընկել։