ԱՄՆ-ում ուսումնամարզական հավաք անցկացնող Հայաստանի ազգային հավաքականն ընկերական խաղում ուժերը չափեց Կոստա Ռիկայի հետ:
Հանդիպումն ավարտվեց Հայաստանի հավաքականի հաղթանակով՝ 86:62 հաշվով։
Խաղի MVP-ի է ճանաչվել Անդրե Սպայթ Մկրտչյանը։ Նա վաստակել է 21 միավոր, կատարել է 4 արդյունավետ փոխանցում, 6 անգամ էլ տիրել է օղակից անդրադարձող գնդակին:
Բարձր արդյունավետությամբ խաղ է ցուցադրել նաև Արտյոմ Թավակալյանը, որը վաստակել է 18 միավոր, կատարել 3 արդյունավետ փոխանցում, և 5 անգամ տիրել օղակից անդրադարձող գնդակին:
Թիմերի միջև երկրորդ հանդիպումը տեղի կունենա հունիսի 9-ին՝ Գլենդելում: Խաղը կմեկնարկի տեղի ժամանակով ժամը 19:00-ին (Երևանի ժամանակով առավոտյան ժամը 6։00-ին):
