Պետք է շտկենք իրավիճակն ու վաղվա խաղին այլ տեսքով ներկայանանք․ Վան՛տ Սխիպ

Հայաստանի ազգային հավաքականը հունիսի 9-ին ընկերական հանդիպում կանցկացնի  Չեռնոգորիայի հավաքականի հետ։

Այսօր կայացել է Հայաստանի հավաքականի գլխավոր մարզիչ Ջոն Վան՛տ Սխիպի նախախաղային ասուլիսը։

«Ես էլ, տղաներն էլ հիասթափված ենք նախորդ խաղի արդյունքից, հատկապես, որ բաց թողեցինք գոլեր վերջին րոպեներին։ Բոլորը հասկանում են, որ պետք է շտկենք իրավիճակն ու վաղվա խաղին այլ տեսքով ներկայանանք»,-խոսելով վաղվա խաղի մասին ասել է Ջոն Վան՛տ Սխիպը։

Հիշեցնենք, որ հունիսի 6-ին Հայաստանի հավաքականն արտագնա խաղում 2։5 հաշվով պարտվեց Կոսովոյի հավաքականին։

Չեռնոգորիա-Հայաստան խաղը կկայանա հունիսի 9-ին ու կսկսվի Երևանի ժամանակով 22:00-ին։