Հայաստանի հավաքականն այսօր առաջին անգամ հանդես կգա նոր մարզաշապիկով

Այսօր Հայաստանի ազգային հավաքականն առաջին անգամ դաշտ դուրս կգա երրորդ` «Սևան» մարզաշապիկով:

Այս մասին հայտնում է ՀՖՖ մամուլի քարտուղարությունը:

Նոր՝ «Երրորդ» մարզաշապիկը ունի կլոր օձիք և  հորիզոնական ալիքավոր գծեր՝ կապույտի տարբեր երանգներով, մուգից մինչև բաց։ Մարզաշապիկի դիզայնը փոխանցում է Հայաստանի ամենամեծ և աշխարհի բարձրադիր ամենամեծ լճերից մեկի՝ Սևանա լճի մակերեսի ալիքների շարժումը։  Լճի թերակղզում և հարակից տարածքներում կանգնած են միջնադարյան վանական համալիրներ, որոնցից ամենահայտնին Սևանավանքն է։ 

Չեռնոգորիայի հավաքականի հետ հանդիպումը կկայանա հունիսի 9-ին Նիկշիչ քաղաքի «Քաղաքային» մարզադաշտում և կմեկնարկի Երևանի ժամանակով ժամը 22:00-ին: