Երկու ֆուտբոլիստ հեռացել է Փյունիկից

«Փյունիկ» ՖԱ-ից հեռացել են կիսապաշտպաններ Բրայան Ալսեուսը և Միմիտո Բիային։ Այս մասին հայտնում է երևանյան ակումբի պաշտոնական կայքը:

Բրայան Ալսեուսը «Փյունիկ» էր տեղափոխվել նախորդ տարվա օգոստոսին։ Հայիթին ներկայացնող ֆուտբոլիստը մեր թիմում անցկացրել է 18 հանդիպում։

27-ամյա կիսապաշտպան Միմիտո Բիային «Փյունիկում» հանդես էր գալիս այս տարվա մարտից և մասնակցել է 6 խաղի։

«Փյունիկ» ՖԱ-ն շնորհակալություն է հայտնում ֆուտբոլիստներին ու մաղթում հաջողություն հետագա կարիերայում։