Նոան երկարաձգել է պայմանագրերը Հայաստանի հավաքականի 3 ֆուտբոլիստի հետ
Հայաստանի չեմպիոն և գավաթակիր «Նոան» հայտարարել է Ազգային հավաքականի ֆուտբոլիստներ Հովհաննես Համբարձումյանի, Արտակ Դաշյանի և դարպասապահ Օգնյեն Չանչարևիչի հետ պայմանագրերը երկարաձգելու մասին:
«Շարունակում ենք կայուն ու վստահ: Շարժվում ենք առաջ՝ գերազանցության ճանապարհով»,- ասվում է ակումբի տարածած հաղորդագրության մեջ:
Ֆուտբոլիստները մեկնաբանել են պայմանագրերի երկարաձգումը:
«Այստեղ բոլորս մտածում ենք նոր հաղթանակներ կերտելու մասին: Շատ ուրախ եմ, որ շարունակելու եմ իմ ֆուտբոլային ճանապարհը «Նոայում»»,- ասել է Արտակ Դաշյանը:
«Ուրախ եմ, որ միասին ենք գրելու պատմության նոր էջերը»,- ասել է Չանչարևիչը:
«Հպարտ եմ, որ շարունակում եմ կրել «Նոայի» մարզաշապիկը: Ամեն ինչ կներդնեմ, որ հասնենք մեր նպատակներին»,- ասել է Հովհաննես Համբարձումյանը:
