Մ17 ԵԱ․ Հայաստանի 2 ներկայացուցիչ եզրափակիչում է․ 3 ըմբիշ էլ ունի բրոնզե մեդալ վաստակելու հնարավորություն

Հյուսիսային Մակեդոնիայի մայրաքաղաք Սկոպյեում շարունակվում է ըմշամարտի մինչև 17 տարեկանների Եվրոպայի առաջնությունը։

Հունահռոմեական ոճում 48 կգ քաշային կարգում Հայաստանի ներկայացուցիչ Մարտին Մանջիկանը հաղթելով հույն և ադրբեջանցի մրցակիցներին, դուրս է եկել եզրափակիչ, որտեղ կմրցի Բուլղարիան ներկայացնող ըմբիշի հետ։

65 կգ քաշային Ջանես Նազարյանը ևս եզրափակիչում է։ Նազարյանը նախ առավելության է հասել Մոլդովայի ներկայացուցիչի, ապա ռուս ու շվեդ ըմբիշների նկատմամբ ու ոսկե մեդալը կվիճարկի վրացի ըմբիշի հետ։

Բրոնզե մեդալների համար էլ պայքարելու իրավունք են ստացել 55 կգ քաշային Վազգեն Մնացականյանը, 80 կգ քաշային Վահե Հովեյանն ու 110 կգ քաշային Գոռ Մխիթարյանը։

Այսօր պայքարի մեջ մտած ըմբիշներից հաղթանակով են մեկնարկել բոլորը։

45 կգ քաշային Արարատ Ավետիսյանը, 51 կգ քաշային Մարատ Աճեմյանը, 60 կգ քաշային Հայկ Մանուկյանը, 92  կգ քաշային Պետրոս Բաղրամյանն ու 71 կգ քաշային Ռոման Ուսոյանը, սակայն վերջինս քառորդ եզրափակիչում 2։5 հաշվով զիջել է Ռուսաստանի ներկայացուցիչին։