2 արծաթ ևս 2 եզրափակիչ՝ այսօր․ Ըմբշամարտի Մ17 ԵԱ․ Հայ մարզիկների արդյունքները

Հյուսիսային Մակեդոնիայի մայրաքաղաք Սկոպյեում շարունակվում է ըմբշամարտի մինչև 17 տարեկանների Եվրոպայի առաջնությունը։

45 կգ քաշային Արարատ Ավետիսյանը կպայքարի բրոնզե մեդալի համար։ 

48 կգ քաշային Մարտին Մանջիկյանը եզրափակիչում 2։2 հաշվով զիջել է Բուլղարիայի ներկայացուցիչին՝ արժանանալով արծաթե մեդալի։

51 կգ քաշային Մարատ Աճեմյանը դուրս է եկել եզրափակիչ, որտեղ ոսկե մեդալի համար կպայքարի Ռուսաստանի ներկայացուցիչի հետ։ 

60 կգ քաշային կարգում Հայաստանը ներկայացնող Հայկ Մանուկյանը ևս կպայքարի ոսկե մեդալի համար։ Մրցակիցը ադրբեջանցի Ալի Նազարովն է։

65 կգ քաշային Ջանես Նազարյանը եզրափակիչում 0։9 հաշվով զիջեց վրացի ըմբիշին՝ վաստակելով արծաթե մեդալ։

Հիշեցնենք, որ ըմբշամարտի Մ17 Եվրոպայի առաջնությունը տեղի կավարտվի հունիսի 15-ին։