Պորտուգալացի դարպասապահը միացել է Արարատ-Արմենիային

«Արարատ-Արմենիային» է միացել 33-ամյա դարպասապահ Բրունո Պինտուն։ Այս մասին տեղեկացնում է ակումբի մամուլի ծառայությունը։

Դարպասապահը ողջ կարիերայի ընթացքում հանդես է եկել հարազատ երկրի թիմերում՝ «Ալֆենենսեում», «Տուրիզենսեում», «Սեզարենսեում», «Սան Մարտինյուում», «Սալգեյրուշում», «Տիրսենսեում» և «Ֆելգեյրաշում»։

Պորտուգալիայի տարբեր առաջնություններում ու գավաթի խաղարկությունում մասնակցել է ընդհանուր 87 հանդիպման՝ բաց թողնելով 77 գոլ և 38 խաղ ավարտելով «չոր»։

Ակումբը բարի գալուստ է մաղթել դարպասապահին։