Հայկ Մանուկյանը հաղթելով ադրբեջանցի ըմբիշին հռչակվել է Եվրոպայի չեմպիոն

Հունահռոմեական ոճի ըմբիշ Հայկ Մանուկյանը ոսկե մեդալ է նվաճել Սկոպյեում ընթացող ըմբշամարտի Եվրոպայի մինչև 17 տարեկանների առաջնությունում:

Եզրափակիչում Մանուկյանը 11։3 հաշվով հաղթել է Ադրբեջանի ներկայացուցիչ Ալի Նազարովին՝ հռչակվելով Եվրոպայի չեմպիոն։

Հիշեցնենք, որ ավելի վաղ ոսկե մեդալ էր նվաճել նաև Մարատ Աճեմյանը։ Մարտին Մանջիկյանն ու Ջանես Նազարյանը արժանացել էին արծաթե, Արարատ Ավետիսյանը՝ բրոնզե մեդալի։