Հովհաննես Հարությունյանը վերադարձել է Սոչի

Հայաստանի ազգային հավաքականի և «Արարատ-Արմենիայի» կիսապաշտպան Հովհաննես Հարությունյանը վերադառնում է «Սոչի»։

Այս մասին տեղեկացրել է ռուսական ակումբի մամուլի ծառայությունը։

Ռուսական ակումբը Հարությունյանի տրանսֆերային իրավունքները ձեռք էր բերել 2024-ին՝ «Փյունիկից»։

26-ամյա ֆուտբոլիստը Հայաստանի Պրեմիեր լիգայի ընթացիկ մրցաշրջանում մասնակցել է «Արարատ-Արմենիայի» բոլոր՝ 30 խաղերին և դարձել 3 գոլի ու 6 գոլային փոխանցման հեղինակ։

Հիշեցնենք, որ «Սոչին» ավարտված մրցաշրջանում՝ Ռուսաստանի առաջին լիգայում, գրավել էր 5-րդ տեղն ու անցումային փլեյ-օֆֆում հաղթելով «Պարի Նիժնի Նովգորոդին»՝ նվաճել էր Պրեմիեր լիգայի ուղեգիր։ Նշենք, որ Առաջին լիգայում 5-րդ տեղ գրաված թիմերը չեն մասնակցում ՌՊԼ-ի անցումային փլեյ-օֆֆին, բայց 3-րդ տեղ գրաված «Չեռնոմորեցին» չի շնորհվել Ազգային արտոնագիր, ինչի շնորհիվ էլ «Սոչին» մասնակցել է հանդիպումներին ու ամրագրել տեղը ՌՊԼ-ում՝ գալիք մրցաշրջանի համար։