44 միավոր ըմբշամարտում․ Հայ ու մոլդովացի ըմբիշների արտասովոր ցուցանիշը

Հյուսիսային Մակեդոնիայի մայրաքաղաք Սկոպյեում շարունակվում է ըմբշամարտի Մ17 Եվրոպայի առաջնությունը։

Ազատ ոճային ըմբիշներից 55 կգ քաշային կարգում Հայաստանի ներկայացուցիչ Արմեն Պապիկյանը նախ որակավորման փուլում 12։0 հաղթել էր Ռումինիայի ներկայացուցիչին, ապա 10։0 գերմանացի ըմբիշին ու քառորդ եզրափակիչում հանդիպել Մոլդովան ներկայացնող Սերգիու Ստանիլայի հետ։

Պապիկյանն ու Ստանիլան 4 րոպեում միասնաբար վաստակեցին 44 միավոր, ինչը արտասովոր արդյունք է ըմբշամարտում։ Գոտեմարտն ավարտվեց հայ ըմբիշի հաղթանակով՝ 23։21 հաշվով։

Այս հաղթանակի շնորհիվ 16-ամյա Պապիկյանը դուրս եկավ կիսաեզրափակիչ։