Հայտնի է՝ ով է լինելու Նոայի նոր գլխավոր մարզիչը

Հայաստանի Պրեմիեր լիգայի գործող չեմպիոն ու գավաթակիր «Նոան» բաժանվել է գլխավոր մարզիչ Ռուի Մոտայից։

Ինչպես արդեն տեղեկացրել էինք, պորտուգալացի մասնագետը, հեռանալով երևանյան ակումբից, պայմանագիր է կնքելու Բուլղարիայի չեմպիոն «Լուդոգորեցի» հետ։

Մամուլում շրջանառվում է «Նոայի» հավանական նոր մարզիչի անունը։ Ինչպես գրում է խորվաթական index.hr-ն, Հայաստանի գործող չեմպիոնի նոր գլխավոր մարզիչ կդառնա Սանդրո Պերկովիչը։

Աղբյուրի փոխանցմամբ, խորվաթ մասնագետի ու «Նոայի» բանակցություններն ավարտական փուլում են։

41-ամյա մասնագետի գլխավորած վերջին ակումբը Զագրեբի «Դինամոն» էր։ Որպես գլխավոր մարզիչ Պերկովիչը աշխատել է նաև «Ռիգայում», Կիպրոսը ներկայացնող «Ակրիտասում», ու «Շտուրմ Գրացի» երիտասարդական թիմում։