Լուդոգորեցը ներկայացրեց Մոտային

Բուլղարիայի չեմպիոն «Լուդոգորեցը» ներկայացրեց Հայաստանի չեմպիոն «Նոայի» արդեն նախկին գլխավոր մարզիչ Ռուի Մոտային։

Բուլղարական ակումբի հաղորդմամբ, պորտուգալացի մասնագետն արդեն հասցրել է 1-ին մարզումն անցկացնել։ Մոտայի ներկայացման պաշտոնական արարողությունը տեղի կունենա հունիսի 16-ին։

Մոտայի հետ երևանյան ակումբից հեռացել են նաև նրա օգնականներ Անդրե Սանթոսն ու Լուիս Ֆելիպե Բարբոսան։

«Ինձ համար մեծ պատիվ է գլխավորել «Լուդոգորեցը», որն իր պատմությամբ մեծ ակումբ է։ Ինձ համար պատիվ է այս ընտանիքի ակումբի մի մասը լինելը։ Թիմի հետ քրտնաջան կաշխատենք նվաճումների հասնելու համար», - ասել է Մոտան։

Հիշեցնենք, որ 46-ամյա մասնագետը «Նոայի» ղեկը ստանձնել էր նախորդ տարվա հուլիսին՝ ակումբի պատմության մեջ առաջին անգամ հաղթելով ՀՊԼ-ում և նվաճելով Կոնֆերենցիաների լիգայի լիգայի փուլի ուղեգիր։ Մոտայի գլխավորությամբ «Նոան» դարձել է նաև Հայաստանի գավաթակիր։