Մենք առաջնահերթ կարևորում ենք արժեքները․ Նոան՝ Ռուի Մոտայի հեռանալու մասին
Երևանի «Նոան» հայտարարեց Ռուի Մոտայի հեռանալու մասին։
Բուլղարական «Լուդոգորեցի» հայտարարությունից մեկ ժամ անց «Նոան» հայտարարեց, որ Մոտան ու իր մարզչական շտաբտ հեռացել են թիմից։
«Տեղեկացնում ենք, որ Ռուի Մոտան հեռանում է «Նոայից»
Շնորհակալություն ենք հայտնում Ռուիին կատարած աշխատանքի և զարգացման այս փուլին համապատասխան արդյունքների համար։
Ընդգծում ենք, որ «Նոայում» մենք առաջնահերթ կարևորում ենք արժեքները։ Շարունակում ենք մեր գերազանցության ճանապարհը՝ հավատարիմ մնալով մեր արժեքներին, նպատակներին և երազանքներին։
Շուտով կհայտարարենք «Նոայի» նոր գլխավոր մարզչի անունը, ով նոր ուժով և բարձր նշաձողով կղեկավարի թիմը դեպի նոր եվրագավաթային մարտահրավերներ»,-ասված է ակումբի հայտարարությունում։
Հիշեցնենք, որ 46-ամյա մասնագետը «Նոայի» ղեկը ստանձնել էր նախորդ տարվա հուլիսին՝ ակումբի պատմության մեջ առաջին անգամ հաղթելով ՀՊԼ-ում և նվաճելով Կոնֆերենցիաների լիգայի լիգայի փուլի ուղեգիր։ Մոտայի գլխավորությամբ «Նոան» դարձել է նաև Հայաստանի գավաթակիր։
