Հայաստանի ազգային հավաքականի ու արգենտինական «Բանֆիլդի» կիսապաշտպան Թոմաս Ադորյանը գրառում է կատարել ինստագրամյան իր էջում՝ ազգային ընտրանու կազմում նորամուտը նշելու կապակցությամբ։
«Երազանքս իրականացավ։ Նորամուտս ազգային հավաքականում։ Շնորհակալություն ՀՖՖ-ին այս հնարավորության համար։ Շնորհակալ եմ բոլորից, ովքեր մշտապես ինձ աջակցել են, հատկապես Աստծուն՝ այս հրաշալի օրհնության համար։ Վայելում եմ այն, ինչ ամենից շատ եմ սիրում՝ պաշտպանում եմ այս դրոշը, որն ունի մեծ պատմություն», - գրել է Ադորյանը։
Հիշեցնենք, որ 23-ամյա կիսապաշտպանն 1-ին անգամ էր հրավիրվել Հայաստանի ազգային հավաքական ու նորամուտը նշեց հունիսի 6-ին՝ Կոսովոյի դեմ կայացած խաղում։
