Ձեր աջակցությամբ Նոային ու հայկական ֆուտբոլը հասցնենք նոր բարձունքների․ Պերկովիչ
«Նոայի» նոր գլխավոր մարզիչ Սանդրո Պերկովիչը երևանյան թիմի ղեկը ստանձնելուց հետո ակումբի մամուլի ծառայության հետ զրույցում կիսվել է իր տպավորություններով՝
«Սիրելի հայ ֆուտբոլասերներ, «Նոայի» սիրելի ընտանիք, ուրախ եմ միանալու այս հավակնոտ, հաղթական ոգով և հստակ տեսլականով ակումբին։ Ես պատրաստ եմ առաջնորդելու, մեզ առաջ մղելու և հաղթելու։ Միասին գրենք գերազանցության ճանապարհի հաջորդ գլուխը։ Ձեր աջակցությամբ «Նոային» և հայկական ֆուտբոլը հասցնենք նոր բարձունքների», - ասել է Պերկովիչը։
Հիշեցնենք, որ Հայաստանի գործող չեմպիոնն այսօր հայտարարեց խորվաթ մասնագետի նշանակման մասին։ Այդ մասին sportmedia.am-ը տեղեկացրել էր երեկ։
«Նոայից» հեռացած Ռուի Մոտան էլ աշխատանքի է անցել Բուլղարիայի չեմպիոն «Լոդոգորեցում»։
