Տարիքը միայն թիվ է. Ինտերի գլխավոր մարզիչը՝ Մխիթարյանի մասին

Միլանի «Ինտերի» նոր գլխավոր մարզիչ Քրիստիան Կիվուն խոսել է 36-ամյա կիսապաշտպան Հենրիխ Մխիթարյանի մասին։

«Տարիքը կարևոր չէ, այն միայն թիվ է: Կարևորը խաղի որակն է և մոտիվացիան: Հենրիխն իր խաղով և մոտեցմամբ ամեն ինչ տալիս է։ Մխիթարյանը միշտ ունի ոգևորություն և մոտիվացիա», - Կիվուի խոսքերն է մեջբերում Inter_Xtra-ն X սոցիալական ցանցում։

«Ինտերն» այս օրերին ԱՄՆ-ում նախապատրաստվում է աշխարհի ակումբային առաջնությանը: Հունիսի 18-ին միլանցիները խմբային փուլի առաջին խաղում կմրցեն մեքսիկական «Մոնտերեյի» հետ։ E խմբում ընդգրկված են նաև ճապոնական «Ուրավան» և արգենտինական «Ռիվեր Փլեյթը»։