Թենիսի Հայաստանի կանանց հավաքականը հաղթանակով է մեկնարկել Բիլլի Ջին Քինգի գավաթի խաղարկությունում

Մոլդովայում մեկնարկել է Բիլլի Ջին Քինգի գավաթի խաղարկությունը: Երրորդ ենթախմբում ընդգրկված Հայաստանի հավաքականն այսօր 3:0 հաշվով հաղթանակի է հասել Սան Մարինոյի հավաքականի նկատմամբ:

 Մենախաղում հաղթանակ են տարել Ալեքսանդրա Կորնևան (6:1 6։1) ու Ալինա Սողոմոնյանը (6:4 1։6 6։3)։
Անի Ամիրաղյան-Ալինա Սողոմոնյան զույգը հաղթել է զուգախաղում (6:2 6։1)։
Հայաստանի հավաքականի ավագը Գայանե Մովսիսյանն է։
Սան Մարինոյից բացի, Հայաստանի հետ նույն խմբում են ընդգրկված նաև Մալթայի ու Անդորրայի հավաքականները։