Հայտնի է՝ Ուրարտուից հետո որ թիմը կգլխավորի Դմիտրի Գունկոն
Տուլայի «Արսենալը» մոտ է նոր գլխավոր մարզչի նշանակմանը: Metaratings-ի փոխանցմամբ՝ ռուսական ակումբը գլխավորելու հիմնական հավակնորդն «Ուրարտուի» արդեն նախկին գլխավոր մարզիչ Դմիտրի Գունկոն է։
Աղբյուրի փոխանցմամբ՝ «Արսենալի» ղեկավարությունն ակտիվորեն բանակցություններ է վարում 49-ամյա մասնագետի հետ: Այսօր ավելի վաղ «Ուրարտուն» պաշտոնապես հայտնել էր, որ Գունկոն հեռացել է թիմից: Մասնագետն ակումբին միացել էր 2022 թվականի ամռանը։
«Ուրարտուն» Դմիտրի Գունկոյի գլխավորությամբ անցկացրել է 119 հանդիպում, որտեղ տոնել է 66 հաղթանակ։ 2022/23 մրցաշրջանում դարձել է Հայաստանի չեմպիոն և գավաթակի:
Նախկինում Գունկոն հաջողությամբ աշխատել է հայկական «Նոա» և «Արարատ-Արմենիա» ակումբներում, ինչպես նաև գլխավորել է Մոսկվայի «Սպարտակ-2»-ը և «Սպարտակի» երիտասարդական թիմը։
Հետաքրքիր է, որ Դմիտրի Գունկոն ֆուտբոլիստի կարիերան սկսել է հենց Տուլայի «Արսենալում»:
