Հայտնի են Ուրարտուի ու Փյունիկի մրցակիցները ԿԼ-ի որակավորման 1-ին փուլում

Հայաստանի առաջնության բրոնզե մեդալակիր «Ուրարտուն» Կոնֆերենցիաների լիգայի որակավորման առաջին փուլում կմրցի բելառուսական «Նեման Գրոդնոյի» հետ: Վիճակահանությունը կայացել է շվեյցարական Նիոն քաղաքում տեղակայված ՈՒԵՖԱ-ի շտաբ-բնակարանում:

«Փյունիկի» մրցակիցը Սան Մարինոն ներկայացնող «Տրե Ֆիորին» է։
 
Հիշեցնենք, որ Հայաստանի փոխչեմպիոն «Արարատ-Արմենիան» պայքարը կսկսի որակավորման 2-րդ փուլից։

ԿԼ որակավորման 2025/26 խաղարկության առաջին փուլի հանդիպումները նախատեսված են հուլիսի 10-ին, իսկ պատասխան խաղերը՝ հուլիսի 17-ին:

«Փյունիկն» առաջին խաղը կանցկացնի հյուրի կարգավիճակով, իսկ «Ուրատուն»՝ Երևանում:

Նշենք, որ ավելի վաղ պարզ էր դարձել Հայաստանի չեմպիոն «Նոայի» մրցակցի անունը։