«Ուրարտու» ֆուտբոլային ակումբը և գլխավոր մարզիչ Դմիտրի Գունկոն երկկողմանի համաձայնությամբ խզել են պայմանագիրը։ Այս մասին հայտնում է ակումբի մամուլի քարտուղարությունը:
Մասնագետն ակումբին միացել էր 2022 թվականի ամռանը։
«Ուրարտուն» Դմիտրի Գունկոյի գլխավորությամբ անցկացրել է 119 հանդիպում, որտեղ տոնել է 66 հաղթանակ։ 2022/23 մրցաշրջանում դարձել է Հայաստանի չեմպիոն և գավաթակիր։
«Ակումբն իր խորին շնորհակալությունն է հայտնում Դմիտրի Գունկոյին անցած ամբողջ ճանապարհի, անմնացորդ նվիրումի և պրոֆեսիոնալիզմի համար։ Դմիտրի Գունկոն ոչ միայն մարզիչ էր, այլ նաև ուժեղ առաջնորդ, որը ձևավորեց հաղթող թիմ և փոխանցեց հավատ սեփական ուժերի նկատմամբ։
Մաղթում ենք նրան նոր հաջողություններ և նվաճումներ հետագա գործունեության մեջ»,- ասվում է ակումբի տարածած հաղորդագրության մեջ։
