Թենիսի Հայաստանի կանանց հավաքականը 3-րդ տուրում ևս հաղթեց ու խմբում 1-ինն է
Մոլդովայում շարունակվում է Բիլլի Ջին Քինգի գավաթի խաղարկությունը:
Երրորդ ենթախմբում ընդգրկված Հայաստանի հավաքականը երեկ 3:0 հաշվով հաղթանակի է հասել Մալթայի հավաքականի նկատմամբ:
Մենախաղում հաղթանակ են տարել Ալինա Սողոմոնյանը (7:6 6։1) և Անի Ամիրաղյանը (4։6, 6։3, 6։4)։ Մենախաղերում պարտությունից հետո Մալթայի հավաքականը հրաժարվել է զուգախաղից։
Մալթայից բացի, Հայաստանի հետ նույն խմբում էին ընդգրկված նաև Անդորրայի ու Սան Մարինոյի հավաքականները։
Հիշեցնենք, որ 1-ին տուրում մեր ընտրանին 3։0 հաշվով հաղթել էր Սան Մարինոյի հավաքականին, 2-րդ տուրում 2։1 հաշվով առավելության էր հասել Անդորրայի ընտրանու նկատմամբ։
Այսպիսով, Հայաստանի հավաքականը հաղթում է իր ենթախմբում և Մոլդովայի ու Ֆինլանդիայի հավաքականների հետ վիճարկելու է 2-րդ խումբ դուրս գալու ուղեգիրը։ Այսօր Հայաստանի հավաքականը կմրցի Ֆինլանդիայի հավաքականի հետ։
