Հայաստանի ազգային հավաքականի նախկին պաշտպան Ռոբերտ Արզումանյանը նշանակվել է «Ուրարտուի» գլխավոր մարզիչ։
Այս մասին տեղեկացնում է ակումբի մամուլի ծառայությունը․
«Ուրախ ենք տեղեկացնել, որ «Ուրարտու» ֆուտբոլային ակումբի գլխավոր մարզչի պաշտոնը վստահվել է 39-ամյա հայ մասնագետ Ռոբերտ Արզումանյանին։ Ռոբերտ Արզումանյանը նախկինում աշխատել է «Ուրարտու» ֆուտբոլային ակումբում՝ որպես գլխավոր մարզիչ։ «Ուրարտու» ակումբը վստահ է, որ Ռոբերտ Արզումանյանի փորձը, բնավորությունը և մարտական ոգին նոր լիցք կհաղորդի թիմին», - ասված է հայտարարության մեջ։
Հիշեցնենք, որ որպես մարզիչ Արզումանյանն աշխատել է նաև «Փյունիկում» ու «Նոայում»։
Ակումբը հաջողություններ և հաղթանակներ է մաղթել Արզումանյանին։
