Հայաստանի ազգային հավաքականի նախկին ֆուտբոլիստ Արաս Օզբիլիսը «Ուրարտուի» մանկապատանեկան ֆուտբոլի զարգացման գծով փոխտնօրենի պաշտոնից տեղափոխվել է հիմնական թիմի մարզչական շտաբ։
Այս մասին տեղեկացնում է երևանյան ակումբի մամուլի ծառայությունը։
«Օզբիլիզը, որն իր հարուստ ֆուտբոլային փորձով մեծ ներդրում է ունեցել մեր ակադեմիայի զարգացման գործում, այժմ իր մասնագիտական ճանապարհը կշարունակի որպես մարզչական շտաբի անդամ՝ նպաստելով առաջին թիմի առաջընթացին։ Շնորհակալություն ենք հայտնում Արասին՝ ակադեմիայում կատարած նվիրված աշխատանքի համար և մաղթում ենք հաջողություն նոր պաշտոնում», - ասված է հայտարարության մեջ։
Հիշեցնենք, որ «Ուրարտուի» գլխավոր մարզիչի պաշտոնում էր նշանակվել Ռոբերտ Արզումանյանը։
