«Մենք պատրաստ ենք պատմություն կերտելուն. 2025/26 մրցաշրջանը կլինի մեր առաջինը մեծ պրոֆեսիոնալ ֆուտբոլում՝ Հայաստանի Առաջին Լիգայում, մանկապատանեկան թիմերի զարգացման մի քանի տարիներից հետո»։

Նշենք, որ ակումբը ՀՖՖ անդամ է դարձել 2024 թվականի դեկտեմբերին՝ ՀՖՖ 25-րդ հերթական ժողովի ընթացքում «Արարատ-Արաքսի» ու «Վեդիի» հետ։

Հիշեցնենք, որ այս տարվա մայիսին էլ ՀՖՖ Ակումբների Արտոնագրման կոմիտեն 1-ին խմբի արտոնագրեր էր տվել նաև «Անդրանիկին», «Բենտոնիտին», «Լեռնային Արցախին», «Միկային», «Նիկարմին», «Օլիմպիային» և «Սարդարապատին»։

Արտոնագրման կոմիտեն որոշել էր մերժել «Արարատի Արաքս» ֆուտբոլային ակումբի՝ արտոնագիր ստանալու դիմումը, առ այն որ ակումբը չի համապատասխանել ՀՀ Առաջին խմբի առաջնության ակումբների արտոնագրման մարզական չափանիշի պահանջներին, մասնավորապես՝ ՀՀ Առաջին խմբի առաջնության ակումբների արտոնագրման 2025 թվականի խմբագրության կանոնակարգի Հոդված 17-ի պահանջներին՝ չապահովելով պահանջվող քանակի և տարիքային խմբերի մանկապատանեկան թիմերի առկայությունը։

Դիմորդ ակումբներից 2-ն էլ՝ «Դովեղ ՖԱ» ՀԿ-ն և «Լոռի-Վանաձոր ՖԱ» ՀԿ-ն, չեն ներկայացրել որևէ փաստաթուղթ, ինչի պատճառով էլ, նրանց արտոնագրային դիմումները թողնվել էին առանց քննության։