Ալաշկերտը ներկայացրել է նոր փոխնախագահին ու գլխավոր տնօրենին
«Ալաշկերտը» ներկայացրել է ակումբի նոր փոխնախագահին ու գլխավոր տնօրենին։ Ակումբը հայտարարություններ է տարածել, որոնցում նշված է, որ ակումբի փոխնախագահ է նշանակվել Տիգրան Մկրտչյանը, տնօրեն՝ Ալեքսեյ Բալիբերդինը։
«Ալաշկերտ» ՖԱ-ի փոխնախագահ է նշանակվել Տիգրան Մկրտչյանը, ով ունի երկարամյա ֆուտբոլային հաջողակ գործունեություն։ Տիգրան Մկրտչյանը զբաղվել է գործակալի աշխատանքով Հայաստանի, Ռուսաստանի, Եվրոպայի և Աֆրիկայի ֆուտբոլային շուկաներում, եղել է ռուսական «Վիստա» ֆուտբոլային կրթական նախագծի հիմնադիրը, որն օգնել է զարգացրել բազմաթիվ երիտասարդ տաղանդների»:
Ըստ մյուս հայտարարության, Ալեքսեյ Բալիբերդինն էլ նշանակվել է «Ալաշկերտ» ֆուտբոլային ակումբի գլխավոր տնօրենի պաշտոնում։
«Նա ունի ավելի քան 10 տարվա փորձ ֆուտբոլում՝ աշխատելով ակումբներում, ակադեմիաներում։ Եվրոպայի տարբեր երկրներում և Ռուսաստանում ներգրավվածություն է ունեցել ֆուտոլային տարբեր նախագծերում», - ասված է հայտարարության մեջ։
Հիշեցնենք, որ օրեր առաջ «Ալաշկերտը» հայտարարեց, որ Անտոն Զինգարևիչն ու Բագրատ Նավոյանը ստորագրել են պայմանագիր, ըստ որի նրանք կհանդիսանան «Ալաշկերտ» ՖԱ-ի համասեփականատերեր։ Կողմերը համատեղ սկսում են նոր ճանապարհ։
