Ալաշկերտը սկսել է համագործակցություն Jogel հանրահայտ ընկերության հետ
«Ալաշկերտը», որում տեղի ունեցան արմատական փոփոխություններ, համագործակցություն է սկսել Jogël հանրահայտ ընկերության հետ։ Այս մասին տեղեկացնում է ակումբի մամուլի ծառայությունը․
«Ուրախ ենք տեղեկացնել, որ «Ալաշկերտ» ՖԱ-ն սկսում է համագործակցությունը ռուսական Jogël սպորտային բրենդի հետ։ Jogël ընկերությունը հիմնադրվել է 2015 թվականին ու համագործակցում է ռուսական անվանի ակումբների հետ, հանդիսանում է Ռուսաստանի ազգային հավաքականի պաշտոնական գործընկերը», - նշված է հայտարարության մեջ։
Հիշեցնենք, որ «Ալաշկերտում» տեղի ունեցած փոփոխություններից հետո ակումբը հայտարարել է նոր փոխնախագահի ու գլխավոր տնօրենի նշանակումների մասին։
