ՉԼ-ում Նոայի առաջիկա մրցակիցը մնացել է առանց գլխավոր մարզչի
Չեռնոգորիան ներկայացնող «Բուդուչնոստ», որի հետ Չեմպիոնների լիգայի որակավորման առաջին փուլում մրցելու է Հայաստանի չեմպիոն «Նոան», մնացել է առանց մարզչի:Իվան Բրնովիչը հեռացել է թիմից՝ այն գլխավորելուց ավելի քան 1 տարի անց:
«Բուդուչնոստն» այս օրերին ուսումնամարզական հավաք է անցկացնում Սլովենիայում:
Նշվում է՝ հեռացման պատճառներից մեկը Բրնովիչի վատ հարաբերություններն են ակումբի մարզչական շտաբի անդամների, ինչպես նաև երկրպագուների հետ:
ՉԼ որակավորման 2025/26 խաղարկության առաջին փուլի հանդիպումները նախատեսված են հուլիսի 8-9-ին, իսկ պատասխան խաղերը՝ հուլիսի 15-16-ին:
