Մ15 ԵԱ․ Հայ ըմբիշները հաղթել են ադրբեջանցիներին ու եզրափակիչում կմրցեն միմյանց դեմ

Իտալիայում ընթացող ըմբշամարտի Եվրոպայի մինչև 15 տարեկանների առաջնությունում պայքարը սկսել ազատ ոճայինները։

57 կգ քաշային կարգում Հայաստանի ներկայացուցիչներ Էրիկ Պապիկյանն ու Տիգրան Կոլոտյանը կիսաեզրափակիչում համապատասխանաբար 7։0 ու 5։0 հաշվով հաղթել են ադրբեջանցի մրցակիցներին՝ դուրս գալով եզրափակիչ։

Եզրափակիչում է նաև 75 կգ քաշային Արթուր Մկրտչյանը, որը 14։1 հաշվով ջախջախել է վրացի ըմբիշին։

Հայաստանի հավաքականը հնարավորություն ունի վաստակելու նաև 5 բրոնզե մեդալ։ 52 կգ Արեն Միրզոյանը, 62 կգ Համլետ Անտոնյանը, 44 կգ քաշայիններ Արեն Փիրուզյանն ու Նարեկ Դալլաքյանը (կմրցեն միմյանց դեմ), 68 կգ Շահեն Մարտիրոսյանը և 85 կգ Մերուժան Քոչարյանը կպայքարեն բրոնզե մեդալի համար։

Այսպիսով, ազատոճայիններն ունեն երաշխավորված 3 մեդալ, որոնցից մեկը՝ ոսկե։