Նաիրը հիմա ապացուցելու փուլում է. Տիկնիզյանի կինը պատմել է Ցրվենա Զվեզդայում ֆուտբոլիստի ադապտացիայի մասին
Հայաստանի հավաքականի պաշտպան Նաիր Տիկնիզյանի կինը՝ Յանա Ռոմաշկինան, խոսել է Բելգրադի «Ցրվենա Զվեզդայում» հայ ֆուտբոլիստի ադապտացիայի և մարզումների մասին։
«Հիմա Նաիրը, այսպես ասած, «ապացույցի» փուլում է։ Այսինքն՝ նա մեծ ցանկություն ունի ցույց տալու, որ իր հարցում չեն սխալվել, ձեռք են բերել ճիշտ և ուժեղ ֆուտբոլիստի։ Ես հավատում եմ և գիտեմ, որ այնտեղ նրա համար ամեն ինչ լավ կլինի», - «Match TV»-ի հետ զրույցում ասել է Ռոմաշկինան։
Ինչպես հավելել է Ռոմաշկինան, սերբական ակումբում մարզումներն ավելի ինտենսիվ են, քան «Լոկոմոտիվում»։
Հիշեցնենք, որ Տիկնիզյանը Բելգրադը ներկայացնող ակումբի խաղացող է դարձել հունիսի 22-ին և արդեն գոլի հեղինակ է դարձել նորամուտի՝ ոչ պաշտոնական խաղում։
Նախկինում նա չորս տարի խաղացել է Մոսկվայի «Լոկոմոտիվում»։ Մայիսին Տիկնիզյանը հրապարակավ հայտարարել էր, որ դժգոհ է մոսկովյան ակումբում իր կարգավիճակից:
