Փյունիկի հավանական մրցակիցը ոչ-ոքի է խաղացել Չեխիայի 2-րդ դիվիզիոնի թիմի հետ

Կոնֆերենցիաների լիգայի որակավորման 2-րդ փուլում «Փյունիկ»-«Տրե Ֆիորի» զույգի հաղթողը, որում բացահայտ ֆավորիտը հայկական թիմն է, մրցելու է հունգարական «Դյորի» հետ։ Վերջինս այսօր ընկերական հանդիպում էր անցկացնում Չեխիայի 2-րդ դիվիզիոնի ներկայացուցիչ «Լիսենի» հետ։

Հանդիպումն ավարտվել է 1։1 հաշվով։ «Դյորի» կազմում աչքի է ընկել Օլեքսանդր Պիշուրը։

Հունգարական ակումբը 2 խաղակեսերն անցկացրել է տարբեր կազմերով։

Հիշեցնենք, որ «Դյորի» գլխավոր մարզիչը վիճակահանության մասին նշել էր, որ հեշտ մրցակիցներ չկան ու ցանկացած պարագայում ցուցադրելու են իրենց թիմի կարողությունների 110%-ը։