Ինչպես տեղեկացնում է «Արարատի» մամուլի ծառայությունը, շվեյցարական «Ստադ Լոզան Ուշի» ակումբի հետ ձեռք է բերվել համաձայնություն Կեաս Փոլ Հենրի Բահի տեղափոխության շուրջ: 20-ամյա իվուարցի ֆուտբոլիստն իր կարիերան կշարունակի Շվեյցարիայում:
Սա պատմության 1-ին տրանսֆերն է «Արարատից» Շվեյցարիա։
«Սա հերթական անգամ վկայում է, որ «Արարատում» հաջող հանդես գալը կարող է երիտասարդ տաղանդներին առաջ մղել իրենց կարիերայում։ Բահը մեզ համար կարևոր խաղացող էր, սակայն եկել է նրա կարիարայի նոր փուլի ժամանակը։ Միևնույն ժամանակ «Արարատն» աշխատում է թիմը նոր ֆուտբոլիստներով համալրելու ուղղությամբ՝ նպատակ ունենալով պատրաստ ու մրցունակ կազմով ներկայանալ նոր մրցաշրջանին»,- նշել է «Արարատի» գործադիր տնօրեն Տիգրան Ղարաբաղցյանը:
Կեաս Բահն 2025 թվականի մարտին էր միացել «Արարատին»: Երևանյան ակումբի կազմում նա անցկացրել է 12 խաղ, դարձել է չորս գոլի և երկու գոլային փոխանցման հեղինակ:
