Ինչպես տեղեկացնում է «Նոան», Ալեն Գրգիչը համալրել է Հայաստանի գործող չեմպիոնի շարքերը։
Ինչպես հայտնել էինք ավելի վաղ, խորվաթ վինգերը հայկական ակումբի կազմում մասնակցել է Սլովակիան ներկայացնող «Դունայսկա Ստրեդայի» դեմ ստուգողական խաղին, որն ավարտվել էր «Նոայի» հաղթանակով՝ 2։1 հաշվով։
30-ամյա ֆուտբոլիստը հանդես է եկել խորվաթական տարբեր թիմերում։ Վերջին թիմը եղել է «Սլավեն Բելուպոն»։
Մինչև այդ Գրգիչը հանդես է եկել խորվաթական «Ռիեկա», «Օսիեկ», ինչպես նաև հունգարական «Դիոսգյոր» թիմերում։ Ֆուտբոլիստի հետ պայմանագիրը նախատեսված է մինչև 2027 թվականը։ Գրգիչը «Նոայում» կկրի 77 համարի մարզաշապիկը։
Հիշեցնենք, որ այս տրանսֆերային պատուհանի ընթացքում «Նոային» էր միացել նաև ճապոնացի կիսապաշտպան Տակուտո Օշիման։
