Հայաստանի հավաքականի ֆուտբոլիստը հրաժարվել է տեղափոխվել Սոչի

Metaratings.ru-ի փոխանցմամբ՝ «Արարարտ-Արմենիայի» և Հայաստանի հավաքականի 21-ամյա կիսապաշտպան Արթուր Սերոբյանը, որը վարձավճարով խաղում է «Շերիֆում», հրաժարվել է ամառային տրանսֆերային պատուհանի ժամանակ տեղափոխվել «Սոչի»։

Ռուսական ակումբից կապ են հաստատել խաղացողի ներկայացուցիչների հետ, սակայն նախնական մերժում են ստացել։ Բանակցությունները շարունակվում են։ «Արարատ-Արմենիան» «Սոչիից» պաշտոնական տրանսֆերի առաջարկ չի ստացել։

«Արարատ-Արմենիայի» և «Շերիֆի» միջև Սերոբյանի վարձակալության պայմանագիրը նախատեսված է մինչև տարեվերջ։ Հայաստանի ազգային հավաքականի կազմում ֆուտբոլիստը մասնակցել է 21 խաղի, որոնցում խփել է մեկ գոլ։

Transfermarkt պորտալը կիսապաշտպանի շուկայական արժեքը գնահատում է 450 հազար եվրո: