Այաքսը հրաժարվել է ձեռք բերել Սպերցյանին Ռուսաստանի հետ տարաձայնությունների պատճառով
Հոլանդական «Այաքսը» հրաժարվել է ձեռք բերել «Կրասնոդարի» և Հայաստանի հավաքականի կիսապաշտպան և ավագ Էդուարդ Սպերցյանին, հաղորդում է ESPN-ը։
Աղբյուրի փոխանցմամբ՝ հոլանդական ակումբը կասկածներ չունի Սպերցյանի ֆուտբոլային հմտությունների վերաբերյալ, սակայն չի գնի կիսապաշտպանին՝ «Ռուսաստանի հետ բարոյական անհամաձայնությունների» պատճառով։
Նախորդ մրցաշրջանում 25-ամյա Էդուարդ Սպերցյանը «Կրասնոդարի» կազմում անցկացրել է 35 խաղ, խփել է 11 գոլ և կատարել 7 գոլային փոխանցում։
Transfermarkt պորտալը հայ ֆուտբոլիստին գնահատում է 25 միլիոն եվրո։
