Հայաստանի բասկետբոլի Մ20 հավաքականը զիջել է Ռուսաստանին ընկերական խաղում
Հայաստանի բասկետբոլի Մ20 հավաքականը շարունակում է նախապատրաստությունը հուլիսի 11-ին Երևանում մեկնարկող Եվրոպայի մինչև 20 տարեկանների B դիվիզիոնի առաջնությունում:
Երեկ կայացած ընկերական խաղում մեր թիմը 45:90 հաշվով զիջել է Ռուսաստանի հավաքականին։
Հայաստանի կազմում ամենաարդյունավետը Դանիել Սանամյանն էր՝ 11 միավոր, 4 ռեբաունդ, 1 արդյունավետ փոխանցում:
Խաղի ընթացքում մարզչական շտաբը փորձարկում էր տարբեր կազմեր և մարտավարական մոտեցումներ՝ հնարավորություն տալով բոլոր խաղացողներին խաղաժամանակ ստանալ։
Նախորդ հանդիպումը Ռուսաստանի դեմ ավարտվել էր 82:90 հաշվով։
Նախապատրաստական փուլի շրջանակում նախատեսված են ևս երկու ընկերական հանդիպումներ․
Հուլիսի 6-ին՝ Հայաստան - Շվեյցարիա, Միկա մարզահամալիր
Հուլիսի 9-ին՝ Հայաստան - Վրաստան, Կարեն Դեմիրճյանի անվան մարզահամերգային համալիր
