Չանչարևիչը՝ ՀՊԼ լավագույն ֆուտբոլիստ. Սպերցյանը ներկայացրել է իր ֆավորիտներին

Հայաստանի ազգային հավաքականի և «Կրասնոդարի» կիսապաշտպան Էդուարդ Սպերցյանը նշել է իր վարկածով լավագույն ֆուտբոլիստներին:

«Ֆուտբոլի պատմության լավագույն խաղացողը Լիոնել Մեսսին է։ Այս պահին լավագույն խաղացողը Մոհամեդ Սալահն է։ Բունդեսլիգայի լավագույն խաղացողը Ջոշուա Կիմիխն է։ Լա Լիգայի լավագույն խաղացողը՝ Ջուդ Բելինգհեմը։ Ա Սերիայի լավագույն խաղացողը Լաուտարո Մարտինեսն է։ ՌՊԼ-ի լավագույն խաղացողը Ջոն Կորդոբան է, իսկ Հայաստանի առաջնության լավագույն խաղացողը՝ Օգնեն Չանչարևիչը»,- ասել է Սպերցյանը Match TV-ին։