Փյունիկի ֆուտբոլիստը վարձակալությամբ հանդես կգա Սարդարապատում

«Փյունիկ Ակադեմիայի» պաշտպան Իշխան Դարբինյանն առաջիկա մրցաշրջանում վարձակալությամբ հանդես կգա Հայաստանի Առաջին խմբի նորեկ «Սարդարապատում»։

Այս մասին հայտնում է երևանյան ակումբի պաշտոնական կայքը:

Նախորդ մրցաշրջանի առաջին հատվածը 21-ամյա ֆուտբոլիստն անցկացրել է «Փյունիկ Ակադեմիայում»՝ մասնակցելով 10 խաղի։ 2024 թվականի օգոստոսի 18-ին Հայաստանի Պրեմիեր լիգայի առաջնության՝ «Ալաշկերտի» դեմ (0:2) խաղում Դարբինյանն իր նորամուտն է նշել «Փյունիկի» գլխավոր թիմում։

Մրցաշրջանի գարնանային հատվածը ֆուտբոլիստը վարձակալությամբ հանդես է եկել Հայաստանի Պրեմիեր լիգայի առաջնության մասնակից «Վեստ Արմենիայում», որի կազմում անցկացրել է 6 խաղի։