Սյունիքը նոր գլխավոր մարզիչ ունի

03 Հուլիս 2025 | 594

Սյունիքը նոր գլխավոր մարզիչ ունի

Աշոտ Մանուչարյանը նշանակվել է «Սյունիքի» գլխավոր մարզիչ։ Այս մասին տեղեկացնում է ակումբի մամուլի ծառայությունը։

«Ուրախ ենք տեղեկացնել, որ Սյունիք ՖԱ գլխավոր մարզիչ է նշանակվել Աշոտ Մանուչարյանը։

Մանուչարյանն ավելի քան 10 տարի աշխատում է ակումբի համակարգում, որի ընթացքում մարզել է մանկապատանեկան թիմեր, ինչպես նաև երկրորդ թիմը։

Մինչև գլխավոր մարզչի պաշտոնը ստանձնելը Մանուչարյանը Սյունիք ՖԱ մանկապատանեկան ֆուտբոլի զարգացման ծրագրի ղեկավարն էր։

Շնորհավորում ենք կապանցի մասնագետին, մաղթում կանաչ ճանապարհ և բազում հաղթանակներ», - նշված է ակումբի հայտարարության մեջ։

Մանուչարյանն այս պաշտոնում կփոխարինի Արամ Ոսկանյանին։

Հիշեցնենք, որ «Սյունիքը», որը ստացել էր 2025/26 մրցաշրջանում Պրեմիեր լիգայում հանդես գալու իրավունք՝ հրաժարվել էր դրանից։

Հետևե՛ք մեզ՝ Instagram-ում, Telegram-ում, TikTok-ում։