Տիգրան Եսայանը հեռացել է Արարատի գլխավոր մարզչի պաշտոնից
Տիգրան Եսայանն ավարտում է իր աշխատանքը Երևանի «Արարատի» գլխավոր մարզչի պաշտոնում։
Նրա պայմանագրի ժամկետը ավարտվել է։ Այս մասին հայտնում է երևանյան ակումբի մամուլի քարտուղարությունը:
Եսայանը թիմի ղեկը վերջին անգամ ստանձնել էր 2024 թվականի փետրվարին։ Այս ընթացքում «Արարատը» նրա գլխավորությամբ անցկացրել է 47 պաշտոնական հանդիպում՝ տոնելով 16 հաղթանակ, գրանցելով 9 ոչ-ոքի և կրելով 22 պարտություն։
Ակումբը շնորհակալություն է հայտնում Տիգրան Եսայանին կատարած աշխատանքի համար և մաղթում հաջողություններ հետագա գործունեությունում
