Սյունիքը պայմանագիր է ստորագրել ակադեմիայի 5 սանի հետ
Ինչպես տեղեկացնում է «Սյունիքի» մամուլի ծառայությունը, իրենց առաջին պրոֆեսիոնալ պայմանագրերն են ստորագրել և առաջին թիմ տեղափոխվել ակադեմիայի սաներ Մհեր Կոնստանդյանը, Աշոտ Առաքելյանը, Սուրեն Հարությունյանը և Արմեն Ծատրյանը։
Նրանք նախորդ մրցաշրջանում հանդես էին գալիս Հայաստանի Մ18 առաջնությունում՝ «Սյունիք-07»-ի կազմում։
Պարտադիր զինվորական ծառայությունը հաջողությամբ ավարտել և ակումբ է վերադարձել նաև դարպասապահ Միհրան Հովհաննիսյանը։
Հիշեցնենք, որ ավելի վաղ մարզչական փոփոխություններ տեղի ունեցան Կապանը ներկայացնող ակումբում, որը հրաժարվել էր մասնակցել Պրեմիեր լիգայի գալիք մրցաշրջանին։
