Մ20 ԵԱ․ Սարգիս Բեգոյանը՝ Եվրոպայի չեմպիոն, Ռազմիկ Եփրեմյանը՝ բրոնզե մեդալակիր

Իտալիայի Կաորլե քաղաքում ավարտվեց ըմբշամարտի Եվրոպայի մինչև 20 տարեկանների առաջնությունը։

Հայաստանի ներկայացուցիչներից մեդալներ նվաճեցին Սարգիս Բեգոյանն ու Ռազմիկ Եփրեմյանը։

61 կգ քաշային Սարգիս Բեգոյանը հաղթելով Ուկրաինայի, Գերմանիայի ու Շվեյցարիայի ներկայացուցիչներին, դուրս եկավ եզրափակիչ, որտեղ 6։5 հաշվով առավելության հասավ UWW-ի դրոշ ներքո հանդես եկող, ազգությամբ չեչեն Ադլան Սատիևի նկատմամբ՝ հռչակվելով Եվրոպայի չեմպիոն։

86 կգ քաշային Ռազմիկ Եփրեմյանն էլ բրոնզե մեդալի համար պայքարում 3։0 հաշվով հաղթեց Ադրբեջանի ներկայացուցիչն։

Ավելի վաղ, Եվրոպայի առաջնությունում 2 մեդալ էին նվաճել նաև հունահռոմեականները։ 77 կգ քաշային Սամվել Տերտերյանը նվաճել էր բրոնզե, իսկ 72 կգ քաշային Գասպար Տերտերյանը՝ արծաթե մեդալ։