Էլինա Դանիելյանը և Լիլիթ Մկրտչյանը մասնակցում են շախմատի կանանց աշխարհի գավաթին

Գրոսմայստեր Էլինա Դանիելյանը և միջազգային վարպետ Լիլիթ Մկրտչյանը Վրաստանի Բաթումի քաղաքում մասնակցում են 2025 թվականի ՖԻԴԵ-ի կանանց աշխարհի գավաթին, որը տեղի մեկնարկել է հուլիսի 6-ին և կտևի մինչև հուլիսի 28-ը:

Առաջին խաղափուլում Էլինան մրցել է Տաջիկստանը ներկայացնող կանանց ՖԻԴԵ-ի վարպետ Նադեժդա Անտոնովայի (վարկանիշ՝ 2030) դեմ:

Լիլիթը ուժերը չափել է Ալժիրը ներկայացնող կանանց միջազգային վարպետ Լինա Նասսրի (վարկանիշ՝ 2054) դեմ:

Մրցաշարը կանցկացվի նոկաուտ ձևաչափով՝ 7 խաղափուլով: Յուրաքանչյուր խաղափուլում մասնակիցները խաղում են երկու դասական պարտիա: Եթե հաշիվը լինի 1:1, հաղթողը կորոշվի արագ և կայծակնային շախմատի թայ-բրեյքում: