Նոան երկրպագուների համար անվճար ուղևորափոխադրում կկազմակերպի դեպի Աբովյան

Հուլիսի 8-ին՝ ժամը 20:00-ին, կկայանա Չեմպիոնների լիգայի որակավորման առաջին փուլի «Նոա» – «Բուդուչնոստ» հանդիպումը։

Ակումբի մամուլի քարտուղարության հաղորդմամբ՝ խաղին ներկա գտնվել ցանկացող երկրպագուների համար «Նոան» կազմակերպել է անվճար ուղևորափոխադրում։

Ավտոբուսները կմեկնեն հուլիսի 8-ին՝ ժամը 18:00-ին, Հանրապետության հրապարակից (նախկին ԱԳՆ շենքի հարակից տարածքից) դեպի Աբովյանի Վահագն Թումասյանի անվան մարզադաշտ։ Խաղի ավարտից հետո ավտոբուսները կշարժվեն մարզադաշտից դեպի Հանրապետության հրապարակ։