Արարատը հայտարարել է նոր գլխավոր մարզչի նշանակման մասին
Հաստատվել է Երևանի «Արարատի» մարզչական շտաբի կազմը 2025/26 մրցաշրջանի համար, հայտնում է ակումբի մամուլի քարտուղարությունը։
Ակումբի գլխավոր մարզչի պաշտոնում նշանակվել է փորձառու մասնագետ Ալբերտ Սաֆարյանը։ 63-ամյա մարզիչն ունի երկարամյա և հարուստ փորձ հայկական ակումբներում, այդ թվում՝ «Արարատում», որտեղ նա աշխատել է 2009–2013 և 2016–2019 թվականներին։
Մարզչական շտաբում իրենց աշխատանքը կշարունակեն Գևորգ Պողոսյանն ու Ռաֆայել Սաֆարյանը։
Թիմին միացել է նաև դարպասապահների նոր մարզիչ՝ 37-ամյա Էրիկ Խաչատրյանը, որը մինչ այս աշխատել է «Լեռնային Արցախ» ակումբում։
Ավելի վաղ հայտնել էինք, որ Տիգրան Եսայանն ավարտել է իր աշխատանքը Երևանի «Արարատի» գլխավոր մարզչի պաշտոնում։
