Աբովյանում անշլագ է սպասվում. Նոա-Բուդուչնոստ հանդիպման տոմսերը սպառված են
Չեմպիոնների լիգայի որակավորման առաջին փուլի՝ «Նոա» – «Բուդուչնոստ» հանդիպման տոմսերը սպառված են։ Այս մասին հայտնում է ակումբի մամուլի քարտուղարությունը:
«Վաճառքը մեկնարկել էր 5 օր առաջ՝ առաջին անգամ մեր պաշտոնական կայքի՝ noah.am-ի միջոցով, և շատ կարճ ժամանակում մեր երկրպագուները սպառեցին հասանելի բոլոր տոմսերը։ Հուլիսի 8-ին թեժ մթնոլորտ է սպասվում մարզադաշտում։
Սպասում ենք բոլորիդ մեր թիմի կողքին։ Միասին մենք անպարտելի ենք»,- ասվում է ակումբի տարածած հաղորդագրության մեջ։
Հիշեցնենք, որ «Նոա»-«Բուդուչնոստ» դիմակայության 1-ին հանդիպումը կկայանա հուլիսի 8-ին Աբովյանի Վահագն Թումասյանի անվան մարզադաշտում և կմեկնարկի 20։00-ին։ Պատասխան խաղը՝ հուլիսի 15-ին՝ 23։00-ին։
