Չեմպիոնների լիգայի որակավորման 1-ին փուլի «Նոա»-«Բուդուչնոստ» դիմակայության 1-ին խաղից առաջ տեղի է ունեցել «Նոայի» գլխավոր մարզիչ Սանդրո Պերկովիչի ու թիմի դարպասապահ Օգնյեն Չանչարևիչի մամուլի ասուլիսը։
Սանդրո Պերկովիչը նշել է․ «Նոայում» նպատակներն ամենաբարձրն են. բայց մենք պետք է քայլ առ քայլ առաջ գնանք։ Մեր կենտրոնացվածությունն այս պահին միայն «Բուդուչնոստի» դեմ առաջին հանդիպման վրա է։ Չեմպիոնների լիգան ֆուտբոլային աշխարհում լավագույն մրցաշարն է։ Մենք պետք է շատ լավ նախապատրաստվենք վաղվա խաղին, և ես վստահ եմ, որ մենք պատրաստ ենք»։
Չանչարևիչ խոսքով էլ առաջին հանդիպումը միշտ ամենադժվարն է լինում․ «Մենք չենք կարող իմանալ, թե ինչ սպասել մեզնից և մեր մրցակցից, բայց վստահ եմ՝ վաղը կտանք մեր առավելագույնը՝ առաջին փուլում հաղթանակի հասնելու համար»։
Մանրամասները՝ տեսանյութում
Հիշեցնենք, որ հանդիպումը կկայանա հուլիսի 8-ին Աբովյանի` Վահագն Թումասյանի անվան մարզադաշտում և կմեկնարկի ժամը 20:00-ին:
