Նոան ֆավորիտ է, բայց մենք չենք պատրաստվում հանձնվել․ Բուդուչնոստի մարզիչը՝ սպասվող հանդիպման մասին
Չեմպիոնների լիգայի որակավորման 1-ին փուլի «Նոա»-«Բուդուչնոստ» դիմակայության 1-ին խաղից առաջ տեղի է ունեցել չեռնոգորական թիմի գլխավոր մարզիչ Նենադ Լալատովիչի մամուլի ասուլիսը։
«Բուդուչնոստն անցկացրեց վերջին մարզումը։ Կապույտ-սպիտակները զգացին Աբովյանի մարզադաշտի մթնոլորտը, որտեղ վաղը երեկոյան կփորձեն անակնկալ մատուցել ֆավորիտ համարվող «Նոային»։
Թիմում տիրում է լավ էներգիա, ամբողջ ճանապարհի ընթացքում ֆուտբոլիստների տրամադրությունը բարձր է, և թիմում դրական մթնոլորտ է վաղվա խաղից առաջ։
Չնայած նրան, որ Հայաստանի չեմպիոնը համարվում է հանդիպման ֆավորիտը, մեր տղաները ոչ մի պահ չեն պատրաստվում հանձնվել»։
Հիշեցնենք, որ հանդիպումը կկայանա հուլիսի 8-ին Աբովյանի` Վահագն Թումասյանի անվան մարզադաշտում և կմեկնարկի ժամը 20:00-ին:
